 | | |
| | |
|
Spaces home  Ella 的分享空間PhotosProfileFriends |  Tools   |
|
July 28 管理員屋企樓下啲管理員有時真係應做唔做...
例子一：偷偷地問基少我係咪唔煮飯..
例子二：有一次我爬上基少背上叫佢揹我, 管理員即時大叫 "你咁大份會責死佢架!!"
例子三：我窗台滲水又冇人跟進.....
咁我又可以點呢？？？
減肥最近想攞番上年啲夏天衫褲出嚟, 發現全部都不合身了, 我 simply assume 係因為乾衣機令到啲衫縮水啦...
跟住又覺得開始有雙下巴, 但係唐安麒喺電視話女人過咗30就唔好要求自已太瘦, 我又覺得好有道理喎...
不過前一排我都忍唔住買咗個磅... 一磅之下發現事態嚴重, 竟然喺唔夠一年內多咗15磅... 最侮辱係同基少只係差3 磅!!....真係接受唔到.. (唔怪得知佢死都唔肯抱我啦....)
所以我從今天起宣佈要喺半年內怒減20磅, 大家有セ方法麻煩通知一聲...唔該!!
July 27 賢妻良母多得Jackie 送的烹飪書,令到我地每個Weekend 都好好玩..
今晚有三餸一湯︰無花果雪梨瘦肉湯, 糖醋排骨, 蒸魚, 炒菜
結果：
湯 - 太多雪梨, 似雪梨水多啲
排骨 - 煮過無數次, 無得再錯
蒸魚 - 跟足書本上寫的去贊鼓油熟油, 我覺得自己好 Pro
炒菜 - 仲未知道應該點炒, 本書又無寫 , 求其軟身就算
Anyway, overall 都食得落口, 起碼唔駛再買太興叉燒, 又唔駛再煎啲BBQ雞翼, 我始終都認為我係有天份嘅.. HaHa
May 06 Kiss & Fly!!Recalled last time when we were in France airport rushing to drop off people so as to get the car returned.. Kept going around the airport but never found the "Departure" sign...
Suddenly, we found this slogan
"KISS AND FLY"!!!.......
French guy............ May 24 想當年今日收到中學舊生會條 link, 才醒起當年的我是 Bauhinia house 的 House Captain! 我記得當時我並不是自願 , 而是無啦啦被一個不相識的A班同學提名 , 跟着便無啦啦當選 , 展開了一年的非人生活...
首先 , 所以社際比賽都關我事 , 我必先要 assume 自己要參賽 , 直至找到 substitute 才可免役 , 其中包括所有接力 , 波子棋 , 常識 , 壁報.....
第二, 曾經因為同其他 House 撞啦啦隊歌 (記得係"打開天空"), 我要負責同另一個 House captain 猜呈尋 , 仲要約喺某一日放學喺所有 Vice captains 前面猜 , 雖然我最後勝出 (sorry Dr Cheuk...) , 但己經擔心死 , 如果輸咗又一定俾人埋怨
第三, 經常被要求放學留低支持啦啦隊練習 , 對於有四份補習的我來說 , 着實有點難為...
第四 , 按傳統 all captains 一定要聯名參加 singing contest... , by default 一定會入到 final, 又一定要載歌載舞..
當然仲有好多其他例子啦....
不過回想起來, 呢一年令我學了很多 ,也認識到很多新朋友 , 希望同當年堤名我的"一個不相識的A班同學" 講聲多謝 , 多謝你的信任 , 令到我有難忘嘅一年..
==> 校友龍虎榜 ==> 歷屆四社社長
April 23 終於要放手.....曾經 , 覺得自己好幸運 , 你那樣受歡迎卻和我一起.........
曾經 , 以為我地可以天長地久 , 一生一世...... 以為你會係我將來嘅依賴 .......
無耐 , 呢個世界太多引誘 , 我地最終都要分開..........
1898 .........sorry, 因為我無錢交學費 ........... i will miss u April 16 奪命真夫最近呢年經常好夜都唔瞓 , 點解? 因為要煲 12:15am 嘅重播劇集囉!
例如宜家播緊嘅 "奪命真夫" 就令我晚晚都冇得瞓 , 以前黄金時間播嘅時候就睇都費事睇 , 宜家就捱眼瞓都要睇 , 除咗 "犯賤" 都唔知可以叫セ?
雖然自己都算冗員 , 不過日日釣哂魚就真係有D過份 , 希望下一套唔好咁好睇就好lu.. April 15 Back終於返嚟啦！自從中咗virus之後就冇寫嘢，咁就過咗大半年 , 原來時間真係過得咁快 , 等我諗吓呢半年做過セ先.....
工作 - 平庸嘅 appraisal, 冇驚喜嘅 payrise.., 冇改變嘅 job nature..., 冇得變嘅同事....
家庭 - touch wood nothing happened, no news is good news
學業 - 得過且過 , 以前係 perfectionist, 宜家零要求
愛情 - 得啖笑
the only achievement is 考到車牌 , 足足考咗 4 年 , 仲耐過讀 degree.... 雖然當初係你叫我去考 , 雖然你不得好死 , at least I've made it.... 哈!
最近開始思考人生嘅意義 , 係味我唔心足? 太多嘢諗? 可能就嚟 30 歲..... 唔知其他人係咪咁 September 09 Q & A==========================================================================================
醫生： 「咁遲D會幫你箍埋下面啦! 咁咁咁........」
我： 「會唔會好難講嘢ka?」
醫生： 「咁你份工駛唔駛講好多嘢ka？」
我： 「我要講好多嘢ga wor！」
醫生： 「我係問你份工駛唔駛講好多嘢呀！！」
我： 「......................」
==========================================================================================
教車師傅： 「點解你揸車嗰時個人會中去左邊嘅？」
我： 「 因為你地專業 、親切, 忍唔住要中埋去 ma！」 ﹙心諗︰ 因為想個頭係架車中間ma......﹚
教車師傅： 「 ...................」
========================================================================================== July 26 手寫板為咗方便廣大嘅讀者睇呢個blog, 今日特登去買咗塊手寫扳,咁就唔駛再用mouse寫中文la!! AM I CONSIDERATE?
而且呢塊手寫板有個賣黠就係可以插 Notebbook PCMCIA 卡槽,所以即使係最貴都即刻買,因為 sales 話方便公幹喎,唔曾唔記淂拎.. YEAH! 咁我就即俾$208嘞
食完飯冷靜吓,有幾可公幹要用手寫板??女人買嘢真係.... July 23 箍牙不知不覺已經箍了一個多月,其實並沒有別人說的那麼痛lei. 前天我的靚仔牙醫更特別為我訂了白色鐵線,真的好看得多!真後悔這麼遲才實行我的變靚D 計劃 part 2 ( part 1 是 lasik, 任務已於去年聖誕完成了)
現在每天起床也覺得自己比昨天漂亮, 感覺不錯! 話說回來,將來變靚後,就算再碰見那些"揸巴士", "劏牛眼", "車手袋"都不怕了..hehe |
|
|
Print
